Khua bruă kƀĭn ala Trần Thanh Mẫn mơĭt kơ phung amĭ Việt Nam jhŏng ktang, phung mâo ai hŏng lăn čar klei hơêč hmưi suaih pral, jăk mơak leh anăn tŭ jing. Mơ̆ng klei hưn mdah mơ̆ng khua gĭt gai ƀuôn prŏng Cần Thơ, Khua bruă kƀĭn ala bi mni kơ bruă grăp thŭn ƀuôn prŏng mđing, kriê dlăng kơ gŏ sang knŭk kna dlăng ba, iêô mkrum 9,4 êklai prăk kriê dlăng kơ gŏ sang knŭk kna dlăng ba.

Hlăm wưng kơ anăp, Khua bruă kƀĭn ala Trần Thanh Mẫn mtă, Ƀuôn prŏng mđĭ hlue ngă Asăp mtrŭn 14 mơ̆ng Anôk dlăng bruă Đảng kơ klei mđĭ ktang klei gĭt gai mơ̆ng Đảng leh anăn Knŭk kna dưi pŏk ngă djăp ênŭm truh hŏng phung mâo ai krŭ kdơ̆ng. Tinei, Khua bruă kƀĭn ala Trần Thanh Mẫn leh anăn Êpul mă bruă mđup brei leh 50 hnư mnơ̆ng kơ phung amĭ Việt Nam jhŏng ktang, gŏ sang knŭk kna dlăng ba, phung mâo ai krŭ kdơ̆ng êdah êdi.