Bi ala kơ khua gĭt gai Đảng leh anăn knŭk kna, êpul ngă bruă, Khua bruă kƀĭn ala Trần Thanh Mẫn mơĭt kơ phung ngă bruă krŭ kdơ̆ng, phung amĭ Việt Nam jhŏng ktang, lĭng kahan yang ƀuôn Việt Nam, phung kahan êa, gŏ sang lĭng kahan djiê êngiă, phung mâo bruă tŭ dưn čar Hậu Giang klei êmuh hrăm, klei khăp jăk siam leh anăn klei hdơr knga.

Khua Bruă Kƀĭn Ala mñă klă, anei jing hdră bhiăn mnăm êa hdơr kơ hnoh, hdơr knga tla ai mơ̆ng djuê ana drei. Đảng, knŭk kna mâo nanao klei uêñ mĭn kơ dŭm gŏ sang kahan êka, phung mâ bruă tŭ dưn hŏng lu hdră êlan msĕ si mđĭ kyar bruă duh mkra ala ƀuôn ti alŭ wăl, kriê dlăng gŏ sang knŭk kna dlăng ba, gŏ sang kahan êa, djiê êngiă, đru rŭ mdơ̆ng sang dôk, mâo dŭm hdră êlan đru kơ phung anak čô digơ̆ hlăm grăp thŭn.