Hlăm dŭm anôk bi tuôm, Êpul bi ala Bruă Kƀĭn Ala čar Gia Lai hưn hŏng phung bi ala kơ dŭm mta phŭn, hdră ngă bruă leh anăn boh tŭ dưn klei kƀĭn tal 7, Bruă Kƀĭn Ala gưl 15 mrâo êgao. Phung bi ala bi êdah klei hơ̆k mơak kơ boh tŭ klei kƀĭn anei, boh nik jing bruă bi klă lu hdră bhiăn mrâo mbĭt hŏng lu mta phŭn yuôm bhăn. Mbĭt hŏng anăn, phung bi ala ăt bi êdah dŭm boh klei mâo hlăm alŭ wăl, hmăng hmưi phung bi ala Bruă Kƀĭn Ala uêñ mĭn, ksiêm dlăng.

Klă sĭt msĕ si hră yua lăn mkăp brei dleh dlan, sui, ngă truh klei čôñ ăl hlăm mnuih ƀuôn sang, klei kƀah êa jua ăt ka dưi mgaih msir, akâo kơ knŭk kna uêñ mĭn lu hĭn kơ phung djŏ drao ruă diosin leh anăn phung knuă druh gưl să. Ti wăl krah Ayun Pa, phung ai ala akâo brei kriê dlăng kjăp bruă rông čĭm iăt hlăm wăl ƀuôn sang, phung mâo bruă tŭ dưn dleh dlan hlăm bruă mă prăk đru hŏng ATM.