Anôk bruă kƀĭn ala kčưm gưl tal 2 klei bi kƀĭn tal 7, bi mklă lu bruă yuôm bhăn
Thứ hai, 10:24, 17/06/2024
VOV Tây Nguyên
VOV Tây Nguyên
VOV4.Êđê- Gưl tal 2 klei 7 srăng 17/6 truh hrue 28/6. Bruă kƀĭn ala ksiêm bi mklă lu klei bhiăn, klei čih mkra hdră mtrŭn dŭm bruă yuôm bhăn dôk hlăm klei dưi.
Ti anôk bi kƀĭn, bruă kƀĭn ala ksiêm bi mklă 10 klei bhiăn. Aguah anei, bruă kƀĭn ala trông čhai hlăm sang bi kƀĭn kơ bruă mkra êlan dơ̆ng pral Dưr – Dhŭng kdrêč găn nah yŭ Gia Nghĩa (Dak Nông) - Chơn Thành (Bình Phước). Ăt hlăm aguah anei, bruă kƀĭn ala trông čhai kơ hdră ala čar kñăm mdĭ kyarr krĭng mnuih djuê ƀiă, krĭng čư̆ čhiăng wưng thŭn 2021 – 2030.
Anei jing hdră êlan prŏng, mâo hlue ngă hlăm kluôm ala, lehanăn mđing ti dŭm să, ƀuôn krĭng mnuih djuê ƀiă, lehanăn krĭng čư̆ čhiăng. Tlam, bruă kƀĭn ala trông čhai hlăm êpul kơ: Čih mkra hdră bhiăn bi mklă hră mơar (lŏ mlih mrâo) lehanăn hdră bhiăn jia ênoh ênil đĭ (lŏ mlih mrâo)./.
Viết bình luận