Knăm anei mâo klei hgŭm mơ̆ng êbeh 1 êbâo coco mnuih mă bruă, phung hđeh hriăm hră, sinh viên…. Ti alŭ wăl čar, 30 anôk bruă duh mkra, anôk mtô bruă hŏng êbeh 10 êbâo anôk bruă dôk čiăng mnuih ngă bruă. Êngao kơ bruă tuh tia, mkra mjing, đru kčĕ hdră nao hriăm ti ala tač êngao, knăm anei lŏ mđĭ klei hrŏng ruah mnuih mă bruă ti spa, anôk bi msiam ƀô̆ mta, mnuih mă bruă mdrao mgŭn, phung mă bruă mkra êa mnăm, đru bruă hlăm pưk sang, čhĭ mnơ̆ng.

Ƀri gưl anei, Knơ̆ng bruă hưn mthâo mơ̆ng Anôk bruă knơ̆ng prăk knŭk kna Việt Nam ăt mkŏ mjing hdră “Thâo săng kơ bruă ngăn prăk” kñăm đru kơ mnuih mă bruă ti Dak Lak thâo săng hĭn klei kơ ngăn prăk, boh nik prăk Việt Nam, hdră ba yua prăk djŏ guôp. Mnuih mă bruă lŏ dưi nao dlăng knăm hlăp lêñ, mă rup mâo klei pah mni. Ƀri gưl anei, Êpul hgŭm mnuih mă bruă čar Dak Lak ăt mđup brei 50 hnư mnơ̆ng kơ phung đoàn viên công đoàn mâo klei hdĭp dleh dlan.