12 thŭn, Sang hră mnuih djuê ƀiă knŭk kna rông ba čar Gia Lai mâo 100% hđeh sang hră hriăm jih gưl 3, Khua Sang hră Võ Thành Nguyên brei thâo, mơ̆ng akŏ thŭn hriăm, sang hră pral mkŏ mjing hdră hriăm djŏ guôp. Ti sang hră gưl 3 Đinh Tiên Hoàng, kdriêk krĭng taih kbưi Krông Pa, anôk mâo 99% hđeh sang hră jing mnuih djuê ƀiă, phung hđeh ăt dưi mbha êpul djŏ guôp hŏng klei thâo čiăng mđĭ klei hriăm pioh bi lông.

Klei bi lông hriăm jih gưl tlâo thŭn anei ti čar Gia Lai mâo 41 anôk bi lông hŏng êbeh 15.300 čô čih anăn bi lông, hlăm anăn mâo giăm 4.100 čô mnuih djuê ƀiă. Klei pral mơ̆ng sang hră, klei ksiêm dlăng kjăp mơ̆ng phung nai srăng đru kơ phung hđeh sang hrăb ktưn hưn mŭt hlăm gưl bi lông hriăm jih gưl tlâo tŭ dưn hĭn.