Ƀuôn M’riu ară anei mâo 300 gŏ sang hŏng giăm 1400 čô mnuih, lu jing mnuih djuê ƀiă. Hlăm dŭm thŭn êgao, Anôk bruă pui kmlă Dak Lak mkŏ mjing nanao hdră mtô mblang, mtrŭt mjhar mnuih ƀuôn sang hluê ngă jăk hdră êlan mtrŭn mơ̆ng Đảng, hdră bhiăn mơ̆ng Knŭk kna, mđĭ klei răng ti anăp mnêč jhat mơ̆ng phung roh čiăng bi rai kleihgŭm mguôp djuê ana.

Đru kơ mnuih ƀuôn sang dul klei dleh dlan, Anôk bruă duh mkra leh sang êpul êya, hdră sang tlô ƀuôn M’riu, mđing dlăng, mđup brei mnơ̆ng kơ mnuih ƀuôn sang grăp blư̆ têt hat, knăm mơak, jao 13 drei êmô ana mđai kơ gŏ sang ƀun mđĭ kyar bruă duh mkra gŏ sang. Ênoh prăk Anôk bruă pui kmlă Dak Lak đru kơ ƀuôn M’riu wưng êgao êbeh 950 êklăk prăk. Hlăm wưng ti anăp, dua tĭng srăng ba mdah 5 bruă phŭn hlăm hdră bi hgŭm čiăng mđĭ klei hgŭm mguôp, đru kơ mnuih ƀuôn sang mđĭ kyar bruă duh mkra, rơ̆ng kjăp klei êđăp ênang ala ƀuôn, klei êđăp ênang bruă kđi čar./.