Tlam mbruê 5/6, êpul ngă bruă mơ̆ng khua gĭt gai čả Dak Lak nao čuă leh anăn mđup brei hnư mnơ̆ng kơ phung mduôn 100 thŭn ti kdriêk Krông Pač, nao čuă, mđĭ ai êpul bi ala Phung khua thŭn, êpul hgŭm phung wĭt mdei bruă leh anăn phung khua thŭn mơ̆ng čar, mđup brei hnư mnơ̆ng 1.113 čô mduôn 90 thŭn leh anăn 100 thŭn.

Jih jang ênoh prăk ngă hdră tal anei giăm 1 êklai 350 êklăk prăk. Êpul hgŭm phung khua thŭn čar Dak Lak brei thâo: mbĭt hŏng dŭm mta bruă kriê dlăng klei hdĭp ai tiê, dŭm gưl bruă lŏ dơ̆ng mtrŭt mđĭ bruă kriê dlăng, mkŏ mjing klei hơ̆k mơak čiăng kơ phung mduôn khua hdĭp mơak, suaih pral, tŭ dưn.