Hlue anăn, Knơ̆ng bruă sang hră mtô bi hriăm čar Dak Lak lŏ dơ̆ng mđĭ bruă bi lông hriăm, mtô bi hriăm kơ phung bi lông, boh nik phung hđeh ti krĭng taih kbưi, krĭng dleh dlan. Dŭm alŭ wăl lŏ ktuê dlăng kdrăp mnơ̆ng rơ̆ng dŭm klei găl čiăng edei; gang mkhư̆ boh klei tăm mâo mđing kơ klei jhat mơ̆ng yan adiê ngă, angĭn êbŭ, mkŏ mjing hdră mdrơ̆ng čiăng rơ̆ng kơ klei bi lông êđăp ênang, djŏ hdră kčah.

Klei bi lông hriăm jih gưl 3 thŭn anei, čar Dak Lak mâo 33 anôk bi lông, giăm 21 êbâo čô.  Bruă sang hră ba nao êbeh 2.800 čô mă bruă hlăm dŭm êpul hgŭm bi lông. Phạm Đăng Khoa, Khua Knơ̆ng bruă sang hră mtô bi hriăm čar Dak Lak brei thâo, čiăng kơ klei bi lông mkŏ mjing êđăp ênang, jăk kơ klei bi lông mkŏ mjing êđăp ênang, kjăp, Knơ̆ng bruă mđing mtô bi hriăm kơ knuă druh ngă bruă ksiêm dlăng.