Bi ala Khua Anôk bruă kahan ksiêm čar Dak Lak jao leh Klei bi mklă hŏng Đại tá Nguyễn Văn Quy – Kơiăng khua Dhar bruă ksiêm dlăng bruă Đảng kahan ksiêm čar; Đại tá Nguyễn Hữu Lương – Khua Adŭ bruă răng mgang klei êđăp ênang bruă kđi čar hlăm anôk bruă; Thượng tá Ngô Văn Hiển – Khua adŭ bruă ngă hră mơar; Thượng tá Lê Tôn Cương – Khua adŭ bruă ksiêm dlăng bruă ngă soh jhat lehanăn đru kơ bruă Hdră bhiăn; Thượng tá Hà Quốc Huy – Khua anôk bruă ksiêm dlăng Anôk bruă kahan ksiêm čar; Thượng tá Cao Tiến Phu – Khua adŭ bruă kahan ksiêm bi kdơ̆ng pral; Thượng tá Niê Thuỷ Hồng –Khua sang êa drao kahan ksiêm čar lehanăn Thượng tá Nguyễn Văn Lân – Khua anôk bruă kahan ksiêm kdriêk Mdrak. Mbĭt anăn, khua anôk bruă kahan ksiêm čar ăt jao klei bi mklă hŏng 3 čô knuă druh kơiăng khua adŭ bruă mdei mă bruă êlâo kơ jih thŭn.

Thiếu tướng Lê Vinh Quy, Khua anôk bruă kahan ksiêm čar Dak Lak hơêč hmưi kơ phung knuă druh kahan ksiêm bi leh jih bruă klam mâo kčah jao, mdei ngă bruă djŏ hdră mtrŭn mbĭt anăn čih yap dŭm klei đru mguôp yuôm bhăn mơ̆ng phung knuă druh đru mguôp hlăm boh tŭ dưn mbĭt mơ̆ng êpul kahan ksiêm čar hlăm dŭm thŭn êgao./.