Ti dŭm anôk bruă ngă hră mơar knŭk kna, êpul êdam êra ba anăp đru leh kơ mnuih ƀuôn sang mkŏ dưm định danh điện tử, đăng ký tài khoản điện tử… Mbĭt anăn ktrâo lač, mblang lehanăn đru hưn mthâo kơ klei ngă hră mơar, hdră ngă online.

Đru bruă mơ̆ng hruê 1/7, truh kơ ară anei, phung đoàn viên êdam êra čar Lâm Đồng đru leh dŭm êbâo čô mnuih ƀuôn sang dŭm klei thâo săng čiăng ngă hră mơar hluê hdră mrâo. Anei jing bruă ngă tŭ yuôm, đru mtrŭt mđĭ hdră mă bruă mơ̆ng Anôk bruă ngă hră mơar knŭk kna dưi mkŏ mjing hŏng klei găl ênưih, bi hrŏ wưng tŭ mă, msir mghaih hră mơar, boh nik ti dŭm krĭng taih kbưi, krĭng mnuih ƀuôn sang djuê ƀiă dôk kƀah hlăm klei ba yua kdrăp mrô./.