Hlue anăn, Shantanu Chakraborty srăng gĭt gai dŭm bruă ngă mơ̆ng ADB ti Việt Nam, bi ala kơ Knơ̆ng prăk hlăm klei bi blŭ hrăm hdră êlan leh anăn mđĭ hĭn klei bi hgŭm mơ̆ng knơ̆ng prăk hŏng knŭk kna leh anăn dŭm tĭng djŏ tuôm mkăn.

Ñu srăng ktuê dlăng bruă pŏk ngă hdră êlan bi hgŭm kơ Việt Nam wưng 2023-2026, kƀĭn hlăm klei bi mlih mơ̆ng Việt Nam jing bruă duh mkra mtah, ba yua klei găl mơ̆ng krĭng wăl êngao knŭk kna leh anăn mđĭ klei mtăp mđơr ala ƀuôn. Shantanu Chakraborty, ala čar India, mâo giăm 28 thŭn klei thâo ti dhŭng Asu, Krah leh anăn Yŭ Asi ăt msĕ mơh ti Mi, hlăm anăn mâo 18 thŭn mă bruă ti ADB. Ñu tuôm jing Pô đru kčĕ gưl dlông kơ K’iăng Khua gĭt gai leh anăn Thơ̆ng kơ bruă bi liê phŭn gưl dlông./.