Ti mmông aguah, Dhar bruă kƀĭn ala brei klei blŭ mguôp kơ klei bhiăn djă pioh (mkra mlih). Klei bhiăn anei dưi ba mdah thŭn 2011, mkŏ mjing tur knơ̆ng hdră bhiăn yuôm bhăn čiăng bi klă bruă kriê dlăng djă pioh hnơ̆ng lăn čar.

Ăt hlăm hruê anei, Dhar bruă gĭt gai bruă kƀĭn ala brei klei blŭ kơ hdră bhiăn mkŏ mjing sang phat mkra yang ƀuôn (mkra mlih), brei klei blŭ mguôp kơ bruă mprăk kơ klei kƀĭn tal 6 mơ̆ng Bruă kƀĭn ala. Dhar bruă kƀĭn ala ăt srăng ksiêm dlăng dŭm klei hưn mdah mơ̆ng knŭk kna, Sang phat mkra gưl dlông, Anôk bruă phat kđi yang ƀuôn gưl dlông, Anôk bruă tĭng mkă lăn čar leh anăn klei hưn mdan mơ̆ng Khua kiă kriê bruă kƀĭn ala bi klă mta phŭn ksiêm duah kơ bruă hluê ngă đa đa hdră mtrŭn mơ̆ng Bruă kƀĭn ala gưl 14, hlăm bruă ksiêm dlăng, ksiêm êmuh leh anăn hdră mtrŭn mơ̆ng bruă kƀĭn ala kơ bruă ksiêm dlăng klei čih, ksiêm êmuh mơ̆ng akŏ wưng păn bruă gưl 15 truh kơ jih gưl kƀĭn tal 4.