Dŭm klei mtă kơ phung khua gĭt gai Đảng drei kčah jing ruah phung knuă druh klă sĭt êdah êdi kơ knuih hdĭp; klă sĭt mâo klei thâo găn jih klei lông dlăng mơ̆ng ênuk mrâo; hlue ngă bruă klam ba lăn čar mŭt hlăm ênuk đĭ kyar, mdrŏng sah.

Hlăm klei čih, Khua gĭt gai Đảng Tô Lâm kñăm bi myuôm bruă mprăp mnuih mă bruă kơ klei Kƀĭn kluôm. Bi kơ bruă Đảng nah gŭ, srăng rơ̆ng klei gĭt gai klă anăp, kluôm dhuôm hŏng dŭm alŭ wăl, mta bruă yuôm bhăn, bi myuôm hnơ̆ng tŭ jăk, amâo dưi bio hrŏ hnơ̆ng tŭ jăk, amâo mâo čiăng êdi ôh djăp alŭ wăl, êpul bruă, dhar bruă ăt mâo srăng mâo pô nao hgŭm hlăm gưl bruă Đảng nah gŭ, gưl naoh gŭ dưi ruah jing mta phŭn gĭt gai bruă kđi car, jing bi ala kơ êpul êya đảng viên leh anăn mâo mnuih ƀuôn sang khăp čiăng, đăo knang, dŭm gưl nah gŭ srăng năng jing Pô kčĕ bruă kdơ̆ng mblah leh anăn srăng bi mguôp, bi sa ai hlăm klei mĭn leh anăn bruă ngă, kpă ênô, kjăp leh anăn siă suôr. Khua gĭt gai Đảng Tô Lâm  lač klă:

"Srăng mprăp leh anăn mkŏ mjing jăk kƀĭn bruă Đảng dŭm gưl ană truh kơ klei kƀĭn kluôm tal 14 mơ̆ng Đảng, mta kñăm jing đru kcĕ mprăp duah anôk bruă gĭt gai mơ̆ng Đảng hlăm grăp gưl mâo ai kdơ̆ng mblah. Kñăm prăp mnuih mw bruă hlăm wưng păn bruă mrâo hluê djŏ mta phŭn dưi mâo klei mtô”.

Hlăm hdră cách mạng Việt Nam 95 thŭn êgao, hŏng 13 gưl kƀĭn, Awa Hồ leh anăn Đảng drei uêñ mĭn kơ bruă mnuih mă bruă. Grăp wưng klei kƀĭn kluôm, hlăm wưng cách mạng, Đảng drei mđing truh mkŏ mjing êpul knuă druh, đru mguôp mâo knhuah bi klă, mkŏ mjing klei dưi hlăm hƀuê ênuk, ba lăn čar ƀrư̆ hruê ƀrư̆ đĭ kyar. Kyuanăn, hlăm bruă mprăp kơ klei kƀĭn kluôm hlăm grăp wưng, bruă mnuih mă bruă ăt dưi dlăng jing boh klei prŏng leh anăn yuôm bhăn. Dŭm klei čuăn mơ̆ng Đảng kơ dŭm hnơ̆ng čuăn ruah knuă druh dưi bi klă. Khădah sơnăn, bruă ruah bi djŏ ăt jing klei êmuh dleh. Vũ Văn Phúc, khua čih mkra hđeh hră klei mrâo Cộng sản lač:

" Čiăng bi klă djŏ leh năn grăp čô knuă druh čiăng ba hlăm hră anăn Klei kƀĭn gưl bruă Đảng nah gŭ wưng păn bruă mrâo. Phung bi ala nao hlăm klei kƀĭn čiăng ksiêm hlăm bruă ruah phung knuă druh mâo klei kjăp hlăm bruă kđi čar, mâo knhuih hdĭp jăk, mâo kơhưm, mâo klei hriăm, ai dưi djăp ênŭm hnơ̆ng čuăn mơ̆ng lăn čar êjai mŭt hlăm ênuk kpưn đĭ mơ̆ng djuê ana Việt Nam. Bruă ruah bi djŏ knuă druh gưl bruă Đảng nah gŭ jing klei êmuh prŏng hŏng bruă klam mơ̆ng dŭm gưl bruă Đảng leh anăn đảng viên jing pô bi ala nao hgŭm hlăm klei kƀĭn kluôm bruă Đảng dŭm gưl”

Hlăm bruă knuă druh ăt bi myuôm bruă klam mơ̆ng khua gĭt gai êjai kčĕ bruă, hưn mdah mnuih mă bruă, boh nik jing pô lŏ čuê hluê si dŭm klei čuăn mrâo mơ̆ng gưl dlông. Bruă bi mguôp mbĭt bruă klam pô ruam mdưm, tiŏ nao knuă druh dưi hluê ngă leh anăn ktuê dlăng čiăng klă sĭt dưi ƀuh phung knuă druh mâo knuih hdĭp jăk, mâo klei thâo hlăm êpul khua gĭt gai dŭm gưl leh anăn gưl dlông, kyuadah hlăm sa êpul bruă, amâo djŏ ôh jih jang bi yơr kngan hưn mdah sa čô, ƀiădah srăng mâo sa čô kčĕ. Pô hưn mdah srăng mâo mmông bi mguôp hŏng pô anăn, amâo djŏ ôh dauh hưn mdah mplă plia, ƀiădah jing găp djuê amâodah pô kral, đa đa bi čhĭ mnia bruă mă, leh anăn mâo klei jhat lŏ mplĕ kơ êpul bruă. Nai Prĭn Trần Ngọc Đường, khua kiă kriê hđăp anôk bruă bi hriăm bruă hŏng tač êngao mñă klă:

"Lu gưl êlâo dih ruah mdưm leh knuă druh ƀiădah êdei anei amâo lŏ djŏ klei čiăng, đa đa truh nao mŭt mnă. Pô ruah mdưm jing yuôm bhăn, dưi ruah mdưm knuă druh thâo, tơdah soh srăng hmăi jhat kơ lăn čar. Kyuanăn srăng mâo bruă đua klam hlăm bruă ruah mdưm knuă druh, amâo djŏ knŏng kơ pô anăn ƀiădah anôk bruă ruah mdưm mâo leh klei ruah mdưm amâo mâo djŏ hnơ̆ng čuăn”.

Mâo boh sĭt êjai Klei kƀĭn kluôm, ruah hlăm klei čuăl mkă, grăp čô dưi ruah hlăm gưl bruă Đảng nah gŭ jing sa čô pô kpă, ƀiădah leh mŭt mâo klei tluh mơ̆ng klei dưi, boh tŭ, klei čiăng kơ mnơ̆ng dhơ̆ng… ngă truh klei mlih, klei amâo mâo jăk. Klei anăn brei ƀuh, bruă ruah mnuih amâo mâo ênưih ôh, čiăng kơ hdră dưi ngă djŏ hdră bhiăn, klă mngač, hrŏng ruah, duah djŏ mnuih mâo knuih hdĭp jăk, mâo klei thâo, klei găl nao hgŭm hlăm gưl bruă Đảng nah gŭ. Phung khua hlăm gưl bruă Đảng nah gŭ jing gĭt gai kđi čar, bi ala kơ êpul êya đảng viên leh anăn mâo mnuih ƀuôn sang khăp čiăng, đăo knang. Trần Ngọc Đường, khua hlăm dhar bruă mặt trận čar kwar Việt Nam brei thâo:

"Hnơ̆ng čuăn yuôm bhăn hĭn jing kpă ênuah. Tơdah amâo mâo kpă ênuah amâo mâo bi mŭt hlăm gưl bruă Đảng nha gŭ. Khua gĭt gai Đảng Tô Lâm  mñă ktang kơ knuih kniêng, knhuah hdĭp mơ̆ng pô dưi ruah nao hgŭm hlăm gưl bruă Đảng nah gŭ hlăm wưng păn bruă kơ anăp. Êngao kơ dŭm hnơ̆ng cuăn kơ knuih kniêng kđi čar, ai dưi, klei thâo, srăng bi yuôm knuih kniêng kơ klei kpă ênuah.”

Čiăng mkŏ mjing tŭ jing klei kƀĭn kluôm dŭm gưl ană truh kơ klei kƀĭn kluôm tal 14 mơ̆ng Đảng, klei čuăn mnuih mă bruă srăng dưi ngă djŏ hdră, kreh knhâo leh anăn sa anăn, ñĕ kơ klei ngă khă bi mâo, amâo mâo hdră bhiăn, duah mdưm kahan mtah, kahan hrah. Mbĭt anăn, ktang phĭt bi kdơ̆ng hŏng dŭm klei ngw mjhua hŏng klei dưi, bi kah êpul, boh tŭ knŏng êpul, mĭn mă kơ pô, alŭ wăl, mâo anôk knang… Ngăn sơnăn kơh dưi ruah mnuih mâo knhuah hdĭp, mâo klei thâo găn jih klei lông dlăng mơ̆ng ênuk gưl, ngă bruă klam ba lăn čar mŭt hlăm ênuk đĭ kyar, mdrŏng ktang.