Mŭt hlăm hruê kăm mă bruă tal 2 mơ̆ng Klei bi kƀĭn tal 8, aguah anei 28/10, Anôk bruă kƀĭn ala hmư̆ leh Khua Dhar bruă Duh mkra mơ̆ng Anôk bruă kƀĭn ala Vũ Hồng Thanh, Kơiăng khua Êpul ksiêm dlăng mblang leh Hră hưn mdah mơ̆ng Êpul ksiêm dlăng Anôk bruă kƀĭn ala kơ bruă hluê ngă hdră mtrŭn, hdră bhiăn kriê dlăng wăl anôk lăn ala, sang dôk lehanăn mđĭ kyar sang dôk yang ƀuôn mơ̆ng thŭn 2015 truh kơ jih thŭn 2023. Phung bi ala dlăng leh video clip kơ bruă hluê ngă hdră mtrŭn, hdră bhiăn kriê dlăng wăl anôk lăn ala, sang dôk lehanăn mđĭ kyar sang dôk yang ƀuôn mơ̆ng thŭn 2015 truh kơ jih thŭn 2023.

Leh kơnăn, Anôk bruă kƀĭn ala bi trông ti Sang bi kƀĭn prŏng kơ Klei hưn mdah mơ̆ng Êpul ksiêm dlăng lehanăn klei čih mkra Hdră mtrŭn mơ̆ng Anôk bruă kƀĭn ala kơ boh tŭ ksiêm dlăng bruă hluê ngă hdră mtrŭn, hdră bhiăn kriê dlăng wăl anôk lăn ala, sang dôk lehanăn mđĭ kyar sang dôk yang ƀuôn mơ̆ng thŭn 2015 truh kơ jih thŭn 2023. Phung khua hlăm Knŭk kna mâo klei đua klam mblang, bi mklă dŭm bruă mâo phung bi ala Anôk bruă kƀĭn ala bơ̆k bâo./.