Ti knăm anei, bi ala Anôk bruă êlan treng mrô 2 mơ̆ng China čang hmăng čar Lâm Đồng hưn mthâo kơ hdră čuălmkă djŏ tuôm kơ êlan treng Đà Lạt - Tháp Chàm, mjing klei găl kơ anôk bruă dưi pŏk ngă dŭm mta klei kñăm bi leh hră hưn mdah bruă ksiêm dlăng, mơ̆ng anăn srăng hluê ngă hdră lŏ krŭ wĭt êlan treng anei.

Mbĭt anăn, Anôk bruă êlan treng mrô 2 mơ̆ng China ăt akâo kơ čar Lâm Đồng dưi brei tui ksiêm, bi trông klei găl hgŭm bruă kñăm mtrŭt mđĭ bruă pŏk mlar êlan phiơr mkŏ Đà Lạt – Singapore, Đà Lạt – Siem Reap lehanăn dŭm ala čar Ngŏ Dưr Asi msĕ si Japon, Dhŭng Korea. Hluê si Trần Hồng Thái – Khua Anôk bruă sang čư̆ êa čar Lâm Đồng, bruă krŭ wĭt êlan treng Đà Lạt – Tháp Chàm lehanăn pŏk mlar gưl phiơr jing čiăng êdi, djŏ guôp hŏng dŭm hdră kčah mâo bi mklă./.