Anôk dlăng bruă Đảng čar Quảng Ngãi leh anăn Kon Tum bi kƀĭn grăp gưl tal 2 kơ klei bi mŭt 2 alŭ wăl
Thứ ba, 09:30, 13/05/2025
Pô mblang H'Zawut Ƀuôn Yă / VOV Tây Nguyên
Pô mblang H'Zawut Ƀuôn Yă / VOV Tây Nguyên
VOV4.Êđê- Ti čar Quảng Ngãi, Anôk dlăng bruă Đảng čar Quảng Ngãi leh anăn Anôk dlăng bruă Đảng čar Kon Tum mkŏ mjing mmông mă bruă tal 2 mă klei blŭ kơ dŭm boh phŭn djŏ tuôm kơ klei bi mŭt 2 alŭ wăl, brei klei blŭ kơ Hră čih dŭm hră mơar hưn hŏng Klei bi kƀĭn phung bi ala bruă Đảng čar Quảng Ngãi (mrâo) wưng 2025- 2030.
Hlăm mmông mă bruă, Anôk dlăng bruă Đảng 2 čar bi trông, brei klei blŭ hŏng hră čih hră mơar hưn hŏng Klei bi kƀĭn phung bi ala Bruă Đảng čar Quảng Ngãi (mrâo) wưng 2025 - 2030; Bi trông kơ hdră msir dăp sang dôk kơ phung knuă druh, mnuih mă bruă leh bi mŭt čar Quảng Ngãi leh anăn Kon Tum.
Wưng kơ anăp, čar Quảng Ngãi mrâo gĭr hnơ̆ng đĭ kyar ênoh mnơ̆ng dhơ̆ng ti alŭ wăl (GRDP) kah knar wưng 2026 - 2030 mơ̆ng 10%/thŭn kơ dlông; Truh thŭn 2030, GRDP kah knar grăp čô mnuih hlăm brô 7.100 - 7.200 USD.
Viết bình luận