Khua Knŭk kna Phạm Minh Chính mñă klă Việt Nam dlăng yuôm bhăn leh anăn mđing tal êlâo kơ klei mjĕ giăm Việt Nam - Lào leh anăn lŏ dơ̆ng đru mguôp mkŏ mjing bruă duh mkra êngiê, čŏng pô, mđĭ kyar ai dưi hnơ̆ng jăk; mbĭt anăn mñă kơ dua tĭng mđĭ hĭn klei bj mguôp plah wah dua anôk bruă duh mkra, bi mguôp leh anăn kah mbha klei hriăm đĭ kyar, kyua boh tŭ dưn kơ mnuih ƀuôn sang dua ala čar.

Khua Knŭk kna bi myuôm klei bi mguôp kjăp, tŭ dưn plah wah dua Phŭn bruă hŏng tač êngao hlăm bruă hluê ngă dŭm klei kuôl kă hŏng lu mta phŭn, klă klơ̆ng, đru mguôp hlăm bruă kriê pioh leh anăn mđĭ kyar klei mjĕ giăm plah wah dua Đảng, dua Knŭk kna leh anăn mnuih ƀuôn sang Việt Nam - Lào.