Blŭ hrăm ti Klei bi kƀĭn, Khua lăn čar Lương Cường tĭng dlăng wưng êgao, Adŭ bruă Khua lăn čar mâo leh lu klei đru msir mghaih klei dleh dlan, bi hgŭm hŏng Anôk bruă djŏ tuôm msir mghaih lu bruă prŏng, đru kơ Khua lăn čar, Kơiăng khua lăn čar bi leh jăk bruă klam.

Mñă hlăm thŭn 2026, bruă ti Adŭ bruă khua lăn čar ƀrư̆ hruê ƀrư̆ lu, kluôm hĭn hlăk êjai bruă mă đĭ nanao grăp hruê, Khua lăn čar mtă kơ Adŭ bruă khua lăn čar mđĭ lar boh tŭ dưi mâo, mđing kơ boh tŭ dưn hdră đru kčĕ, rơ̆ng mkăp djŏ, klă nik kơ hdră mă bruă mơ̆ng Khua lăn čar, Kơiăng khua lăn čar mbĭt anăn pral mâo hdră đru kčĕ, bi hgŭm tŭ dưn hŏng anôk bruă djŏ tuôm hlăm klei pŏk ngă hdră êlan mtrŭn mơ̆ng Đảng, Knŭk kna mguôp bruă hluê ngă Hdră mtrŭn Klei bi kƀĭn XIV, đru rơ̆ng kjăp klei êđăp ênang bruă kđi čar, bi kjăp klei đăo knang hlăm mnuih ƀuôn sang, mjing tur knơ̆ng hơĭt kjăp kơ hdră mlih mrâo, mkŏ mkra lehanăn răng mgang Ala čar./.