Aguah mbrue 18/12, K’iăng khua knŭk kna Hồ Quốc Dũng mbĭt hŏng êpul mă bruă nao čuă, mđup brei mnơ̆ng lehanăn hơêč hmưi Noel ti Sang Aê Diê katolik Huế, mbĭt anăn čuă lehanăn hơêč hmưi kơ phung đăo hlăm ƀuôn prŏng Huế. Bi ala kơ phung khua kiă kriê Đảng lehanăn knŭk kna.

K’iăng khua knŭk kna mđup brei leh čăp mnga, mâo klei hơêč hmưi kơ khua knơ̆ng kiă kriê Đặng Đức Ngân, lehanăn lu phung Per hlăm Sang Aê Diê Katolik Huế mâo drông sa yan Noel thŭn 2025 hnŭk ênang h’uh mđao, thŭn mrâo 2026 jăk jĭn, lŏ dơ̆ng mđĭ hĭn ai tiê thâo khăp kơ lăn čar, hdĭp jăk đăo djŏ.  K’iăng khua knŭk kna mñă, bruă klam mơ̆ng phung đăo hlăm klei thâo bi mguôp jih jang djuê ana, đru mguôp kơ bruă mđĭ kyar klei duh mkra ala ƀuôn hlăm lăn čar.   Ăt hrue anăn mơh, k’iăng khua knŭk kna nao čuă, mđup brei mnơ̆ng kơ phung đăo dôk găn klei dleh dlan ti ƀuôn hgŭm Thuận Hóa lehanăn nao ksiêm dlăng bruă rŭ mdơ̆ng sang kơ mnuih ƀuôn sang tuôm hŏng klei êa ngă, tui si “hdră êlan Quang Trung” đru kơ mnuih ƀuôn sang ti ƀuôn hgŭm Lộc An, ƀuôn prŏng Huế hơĭt klei hdĭp mda.