Anôk kriê dlăng bruă Đảng čar Dak Lak mkŏ mjing Klei bi kƀĭn grăp gưl tal 97
Thứ ba, 10:57, 05/11/2024
VOV TAYNGUYEN
VOV TAYNGUYEN
VOV4.Êđê- Tlam mbruê (4/11), Anôk kriê dlăng bruă Đảng čar Dak Lak mkŏ mjing Klei bi kƀĭn grăp gưl tal 97 brei klei blŭ kơ Klei čih mkra boh tŭ hdră hluê ngă bruă mlan 10 lehanăn hdră êlan, bruă klam phŭn hlăm mlan 11/2024.
Hưn mthâo ti Anôk bi kƀĭn, hlăm mlan 10/2024, hdră duh mkra – ala ƀuôn mơ̆ng čar Dak Lak đĭ kyar hơĭt kjăp, păt čiăng jih hnơ̆ng čuăn đĭ mkă hŏng wưng anei thŭn 2023.
Khua bruă Đảng čar Dak Lak Nguyễn Đình Trung mtă kơ dŭm gưl ti čar mđing kiă kriê, gĭt gai, hluê ngă tŭ dưn bruă klam thŭn 2024; mkŏ mjing tŭ dưn Knăm bi hdơr 120 thŭn Hruê mkŏ mjing čar, mprăp ênŭm kơ bruă mkŏ mjing Klei bi kƀĭn bruă Đảng čar tal XVIII, mjêč pŏk hdră čuăl mkă krĭng Lăn dap kngư, čuăl mkă čar Dak Lak wưng thŭn 2021 – 2030, hnơ̆ng trah dlăn truh thŭn 2050, mtrŭt mđĭ bruă mkra êlan êran pral Khánh Hòa - Ƀuôn Ama Thuột.
Viết bình luận