Hruê 17/01, ti Anôk bruă Đảng gưl dlông, Anôk kriê dlăng bruă Đảng tal XIII kƀĭn ksiêm dlăng lehanăn brei klei blŭ kơ klei čiăng akâo mdei bruă mơ̆ng Nguyễn Xuân Phúc, Khua hlăm Phŭn bruă kđi čar, Khua hlăm Anôk kriê dlăng bruă Đảng gưl dlông tal XIII, Khua lăn čar Việt Nam yang ƀuôn ngă phŭn, Khua Êpul hgŭm bruă lĭng kahan, răng mgang klei êđăp ênang wưng 2021 – 2026. Hŏng k’hưm Khua knŭk kna wưng 2016 - 2021, ñu mâo lu klei gĭr hlăm hdră kiă kriê, gĭt gai hdră mdrơ̆ng hŏng klei ruă Covid 19 ba wĭt boh tŭ yuôm bhăn.

Khă snăn, Ñu tŭ klei đua klam hlăk mâo lu phung knuă druh, hlăm anăn mâo 2 K’iăng khua knŭk kna, 3 čô Khua phŭn bruă ngă soh, ba klei truh kjham; 2 čô K’iăng khua knŭk kna mâo leh hră akâo mdei bruă, 2 Khua phŭn bruă lehanăn lu phung knuă druh tŭ klei bi kmhal. Ƀuh klă klei đua klam anăp Đảng, mnuih ƀuôn sang, ñu mâo leh hră akâo mdei bruă. Anôk kriê dlăng bruă Đảng gưl dlông tŭ ư brei Nguyễn Xuân Phúc mdei bruă, jao Phŭn bruă kđi čar gĭt gai anôk bruă djŏ tuôm hluê ngă hră m’ar djŏ si klei kčah mtrŭn./.