Hmư̆ klei hưn Nguyễn Phú Trọng, Khua gĭt gai Đảng Cộng sản Việt Nam djiê, Êpul khua kiă kriê bruă Đảng gưl dlông Đảng yang ƀuôn krŭ kdơ̆ng Lào, bruă kƀĭn ala ala čar Lào, Khua lăn čar Lào, Knŭk kna mơ̆ng ala čar yang ƀuôn krŭ kdơ̆ng Lào, knơ̆ng bruă Mặt trận Lào; Êpul khua kiă kriê bruă Đảng Cộng sản China, lehanăn mnuih ƀuôn sang China; Khua kiă kriê Đảng yang ƀuôn Campuchia Hun Sen, Khua knŭk kna Campuchia Hun Manet, Khua bruă kƀĭn ala Campuchia Khuon Sodary; Đại tướng Raúl Castro Ruz, Khua kiă kriê tal sa Đảng Cộng sản Cuba, khua lăn čar Cuba Miguel Díaz Canel-Bermúdez; Khua mil čhil Russia Vladimir Putin, mơ̆ng khua êpul gơ̆ng kiă kriê bruă kƀĭn ala nah dlông Russia (Valentina Matvienko), Khua Đu-ma ala čar jing anôk bruă kƀĭn ala nah gŭ Russia (Vyacheslav Volodin) mơĭt leh asăp bi juh truh kơ Êpul khua kiă kriê bruă Đảng Cộng sản Việt Nam, bruă kƀĭn ala ala čar yang ƀuôn ngă phŭn Việt Nam, Khua lăn čar yang ƀuôn ngă phŭn Việt Nam, Knŭk kna mơ̆ng lăn čar yang ƀuôn ngă phŭn Việt Nam, knơ̆ng bruă Mặt trận čar kwar Việt Nam lehanăn kơ jih jang mnuih ƀuôn sang Việt Nam. Jih jang asăp bi juh anăn bi êdah leh klei ênguôt hnĭng leh hmư̆ hing kơ Khua gĭt gai Nguyễn Phú Trọng, Khua knơ̆ng kiă kriê gưl dlông Đảng Cộng sản Việt Nam djiê leh hlăm hrue 19 mlan 7 thŭn 2024.

Dŭm asăp bi juh mâo bi êdah: Nguyễn Phú Trọng đuĕ nao, Đảng, Lăn čar lehanăn mnuih ƀuôn sang Việt Nam luič hĕ sa čô khua gĭt gai cách mạng sĭt suôr, jih klei hdĭp kyua bruă cách mạng, ñu duh myơr jih ai tiê klei mĭn pô kơ bruă yuôm bhăn kơ djuê ana hnŭk êngiê, lăn čar hluh lir lehanăn klei mlih mrâo mơ̆ng Đảng Cộng sản Việt Nam, boh nik hlăm bruă mkŏ mjing, ƀư̆ mkra Đảng kjăp ktang doh mngač, lehanăn bruă bi kdơ̆ng hŏng klei ƀơ̆ng ngăn, klei amâo mâo djŏ, atăt lăn čar Việt Nam amâo mâo mdei đĭ kyar, mđĭ k'hưm Việt Nam hŏng ala tač êngao lehanăn tar rŏng lăn. Ñu jing leh khua gĭt gai kdlưn hĭn êdi hlăm ênuk ară anei./.