Leh sa hruê kăm pŏk ngă bruă hluê gru hmô bruă knŭk kna dua gưl, hdră mă bruă ti Gia Lai ba wĭt leh boh tŭ dưn. Anôk bruă ngă hră mơar hluê hdră online dưi pŏk ngă kjăp, knŏng dôk gun kpăk hlăm bruă mkŏ êlan mạng hŏng Gưl dlông. Năng mđing, hdră msir mghaih klei ngă hră mơar kơ mnuih ƀuôn sang ba wĭt leh boh tŭ dưn.

Mbĭt hŏng dŭm boh tŭ tal êlâo, čar dôk tlă anăp hŏng lu klei dleh dlan, lông dlăng hlăk ênhă êbeh 21.000 km² – dôk mrô 2 kluôm ala, ênoh mnuih dôk tal pluh. Gia Lai dôk čiăng hdră kiă kriê tŭ dưn, kjăp hlăm klei mă bruă mbĭt anăn rơ̆ng kjăp hdră lĭng kahan – răng mgang klei êđăp ênang. Hồ Quốc Dũng – Khua bruă Đảng čar Gia Lai brei thâo, ti anăp klei anei, čar mkŏ mjing leh Anôk bruă mrô 2 ti Pleiku, brei sa čô Kơiăng khua bruă Đảng čar, sa čô Kơiăng khua anôk bruă sang čư̆ êa čar nao gĭr gai kñăm rơ̆ng hdră mă bruă tŭ dưn./.