Mñă, anei jing klei bi kƀĭn tal êlâo, čiăng tă êlan kluôm, hlŏng jih bruă mkŏ mjing klei ruah khua, wưng tinăp, Khua bruă kƀĭn ala Trần Thanh Mẫn mtă, jih jang bruă mơ̆ng êpul gơ̆ng kñăm kơ klei bhiăn hnŭk êngiê, mâo klei bhiăn kjăp, klă lehanăn mngač, tui hlue djŏ hdră bhiăn hlăm bruă ruah khua, mprăp djăp mnuih, mnơ̆ng mnuă, prăk bi liê lehanăn klei bhiăn bi hgŭm tŭ jing plah wah dŭm anôk bruă djŏ tuôm.

Khua bruă kƀĭn ala lač, bruă ruah khua hlăm kluôm ala, hŏng hnơ̆ng bruă knuă jing prŏng, hŏng wưng pral, kyuanăn brei mprăp bi kjăp jih jang bruă. Khua bruă kƀĭn ala Trần Thanh Mẫn sa ai hŏng hdră êlan mơ̆ng Êpul gơ̆ng bruă ruah khua brei dưi ba yua kdrăp mă bruă mrâo mrang hlăm jih jang bruă ruah khua, boh nik ba yua VNeID; mđing kơ klei bi mlih mrô dơ̆ng mơ̆ng gưl dlông hlŏng kơ nah gŭ truh 34 boh čar, ƀuôn prŏng, lehanăn 3321 êpul bruă ƀuôn hgŭm./.