Leh sa hrue kăm mkŏ mjing bruă sang čư̆ êa dua gưl ti dŭm boh ƀuôn hgŭm, čar Gia Lai mâo leh dŭm klei bi knăl jăk. Klei tŭ ư mơ̆ng mnuih ƀuôn sang bi êdah klă ai tiê klei mă bruă kơ mnuih ƀuôn sang mơ̆ng dŭm anôk bruă mơ̆ng knŭk kna. Tui si Nguyễn Thị Minh Nguyệt – K’iăng khua knơ̆ng bruă sang čư̆ êa ƀuôn hgŭm, Khua kiă kriê anôk bruă ngă hră mơar ƀuôn hgŭm  Quy Nhơn, klei tŭ jum lehanăn ngă hră mơar kơ mnuih mâo ngă leh hŏng klei jăk, amâo mâo klei dôk bi guôn sui, lehanăn mă bruă êmưt ôh. Leh 1 hrue kăm mă bruă, kluôm čar Gia Lai mâo tŭ mă leh êbeh 11.500 hră mơar, hlăm anăn mâo êbeh 6.000 hră mơar ti ƀuôn hgŭm. Êbeh 4.500 hră mơar hlăm ênoh anăn mâo mghaih msir leh.

Mkŏ mjing bruă sang čư̆ êa dua gưl, phŭn tal êlâo ƀuh leh klei tŭ dưn jăk hlăm bruă ngă hră mơar, đru mjing bruă sang čư̆ êa truăn hlăm klei mă bruă kơ mnuih ƀuôn sang./.