Msir lăm sang tĭ rưč truh êbeh 95,3%
Thứ năm, 14:26, 10/07/2025
Pô mblang: Y-Khem Niê
Pô mblang: Y-Khem Niê
VOV4.Êđê - Truh kơ ară anei, kluôm ala đru rŭ mdơ̆ng lehanăn mkra wĭt êbeh 264.000 - 274.000 boh sang djăp 95% hdră kčah. Lu čar, ƀuôn prŏng mâo leh bruă čŏng mkŏ mjing lehanăn mă bruă hŏng klei klă mngač, thâo mĭn, iêo jak jih klei dưi mnuih thâo hlăm klei mă bruă, dưi djăp leh ênoh kčah jao.
Anei jing klei Đỗ Văn Chiến, Khua knơ̆ng bruă mặt trận čar kwar gưl dlông Việt Nam brei thâo ti anôk bi kƀĭn hrue mbrue 9/7. Knŭk kna lehanăn dŭm êpul bruă yang ƀuôn mâo duh bi liê leh êbeh 17.800 êklai prăk, tiŏ nao êbeh 100 êbâo gưl čô mnuih ƀun mâo đru mkra wĭt lehanăn mdơ̆ng mrâo sang dôk. Mâo leh 18 boh čar bi leh bruă anei.
Adôk 16 boh čar srăng bi leh jih jang hlăm mlan 8 anăp anei, kñăm kkuh drông klei bi hdơr hrue mkŏ mjing lăn čar hrue 2/9 lehanăn klei kgŭ krŭ kdơ̆ng tŭ jing mlan 8. Đỗ Văn Chiến lač, Bruă lăm lui sang tĭ rưč mâo leh lu êpul bruă bi đru mbĭt hŏng anôk bruă Mặt trận dưn yua jih ai ktang klei găl, đru hlăm bruă rŭ mdơ̆ng kơ phung dôk hlăm klei dleh dlan./.
Viết bình luận