Aguah 22/8, Khua phŭn bruă hŏng tač êngao Bùi Thanh Sơn leh anăn Khua phŭn bruă hŏng tač êngao Australia hrăm mbĭt gĭt gai klei bi kƀĭn Khua phŭn bruă hŏng tač êngao Việt Nam - Ausralia tal 5 ƀri gưl Pen-ni Oong hriê čhưn ti Việt Nam tal 2. Anei jing klei bhiăn mđĭ lar grăp thŭn plah wah dua Phŭn bruă. Hlăm klei bi kƀĭn, dua tĭng bi trông kơ bruă pŏk ngă klei bi hgŭm kluôm Việt Nam - Australia. Hlăm wưng êgao, klei bi hgŭm bruă duh mkra- mnia blei dua ala čar đĭ kyar ktang, hlue anăn prăk hrui wĭt mnia blei thŭn 2022 mâo giăm 16 êklai USD, ba Việt Nam jing alab čar hgŭm mnia blei prŏng tal 10 mơ̆ng Australia leh anăn Australia jing ala čar hgŭm mnia blei tal 7 mơ̆ng Việt Nam.

Dŭm mta bi hgŭm mrâo msĕ si mdrơ̆ng hŏng klei bi mlih yan daiê, bi mlih êa pui êwa čuh dưi mđĭ kyar, hlăm anăn mâo ênoh đru 105 êklăk đô la Australia (AUD) kơ Việt Nam čiăng mkŏ mjing anôk bruă nah gŭ mdrơ̆ng hŏng klei bi mlih yan adiê leh anăn mđĭ kyar êa pui êwa čuh doh. Khua phŭn bruă hŏng tač êngao Australia bi mklă dlăng myuôm klei bi hgŭm leh anăn nao ai hŏng bruă klam jing anôk phŭn mơ̆ng ASEAN, bi tŭ ư lŏ mđĭ klei bi hgŭm kyua klei đĭ kyar mơ̆ng krĭng wăl Mekong; ƀuăn đru Việt Nam mdrơ̆ng hŏng klei bi mlih yan adiê leh anăn mđĭ kyar êa pui êwa čuh doh.