Dua khua gĭt gai mđĭ ai phung lĭng kahan Việt Nam, đru mđĭ leh anăn bi êlam hĭn klei bi hgŭm jăk siam plah wah Việt Nam - Australia.  Knơ̆ng bruă răng mgang klei êđăp ênang Việt Nam kčĕ hŏng bruă Đảng, Knŭk kna, bruă Đảng kahan gưl dlông, Phŭn bruă lĭng kahan ba nao 533 čô knuă druh, lĭng kahan leh anăn 4 čô kahan ksiêm hlăm Phŭn bruă kahan ksiêm nao ngă bruă răng mgang klei êđăp ênang ti Anôk bruă Êpul hgŭm lu ala čar leh anăn dŭm êpul kahan.

Australia jing sa hlăm dŭm ala čar tal êlâo bi siñê hră bi hdơr hŏng Việt Nam kơ klei bi hgŭm hlăm bruă răng mgang klei êđăp ênang Êpul hgŭm lu ala čar hlăm thŭn 2015, mjing tur knơ̆ng čiăng pŏk ngă dŭm mta phŭn bi hgŭm klă sĭt leh anăn tŭ dưn. Khua gĭt gai Australia David Hurley bi mklă Australia ktưn hưn nanao kơ klei bi hgŭm hŏng Việt Nam hlăm bruă răng mgang klei êđăp ênang mơ̆ng Êpul hgŭm lu ala čar./.