Ti anôk bi blŭ hrăm, dua nah bi myuôm bruă klam mơ̆ng alŭ wăl lehanăn tui si klei bhiăn mơ̆ng ASEAN kiă kriê. Thượng tướng Hoàng Xuân Chiến mñă, Việt Nam nhất păn kjăp hdrăêlan mjĕ mgiăm hŏng tač êngao hlăm klei êngiê, čŏng tui duah hdră êlan êđăp ênang, hgŭm mbĭt hlăm lu tĭng, lehanăn hdră êlan bruă lĭng kahan jing “4 hơăi” amâo mâo bi hgŭm bruă bi blah, amâo mâo bi mguôp hŏng dŭm ala čar hlăm klei bi blah, amâo mâo brei ôh ala tač êngao mjing kđông kahan hlăm lăn čar pô, pioh bi kdơ̆ng hŏng ala čar mkăn, amâo mâo ba yua ai ktang bruă phao ktuang ôh hŏng ala tač êngao.

Hlăm wưng tinăp lŏ mđĭ hĭn klei bi mguôp hlăm bruă lĭng kahan kơ klei mjuăt bi hriăm, bi mguôp hlăm kahan êa. Hgŭm bruă răng mgang hla pŏk, hlăm klei bhiăn, bi mlih mrô, bruă nai êa drao kahan, bruătuh tia kdrăp lĭng kahan, bruă hdră bhiăn lĭng kahan. Thượng tướng Hoàng Xuân Chiến mpŭ mni kơ phung khua kiă kriê kahan Singapore mbĭt hŏng phung duh mkra bruă lĭng kahan Singapore hriê kơ Việt Nam rang mdah bruă lĭng kahan hŏng tač êngao Việt Nam 2024.