Êjai hlue ngă hdră mtrŭn mrô 57, phŭn tal êlâo klei thâo săng mơ̆ng phung knuă druh, đảng viên lehanăn mnuih ƀuôn sang kơ bruă klam mơ̆ng klei kreh knhâo, lehanăn kdrăp mrâo, klei mlih mrâo hŏng klei knhêč lehanăn klei bi mlih mrô mâo klei đĭ hĭn. Hlue ngă klei klah čŭn mrô 123, rơ̆ng bi mâo klei đĭ kyar 8% kơ dlông hlăm thŭn 2025, Lâm Đồng mtrŭn leh lu hră mơar gĭt gai, hlue ngă lu mta bruă kñăm mđĭ kyar bruă duh mkra thŭn 2025 anei đĭ mơ̆ng 9,0-10%. Blŭ hrăm ti anôk bi kƀĭn.

K’iăng khua knŭk kna Nguyễn Hòa Bình bi êdah klei gĭr lehanăn bruă klam, klei thâo kiă kriê, klei thâo bi mguôp hlue ngă hdră êlan mơ̆ng đảng hlăm čar Lâm Đồng.  Lehanăn mtă kơ bruă Đảng čar Lâm Đồng tŭ mă klei blŭ đru mguôp. Mđing ngă bruă bi khuăt êpul mă bruă, K’iăng khua knŭk kna Nguyễn Hòa Bình jao kơ pô djă akŏ mâo klei đua klam ngă bruă anei./.