Bi êdah rŭ mjing êlan dơ̆ng pral Quảng Ngãi - Kon Tum mâo boh tlaih 144 km
Thứ ba, 10:34, 13/05/2025
Pô mblang Y-Bel Êban/VOV Tây Nguyên
Pô mblang Y-Bel Êban/VOV Tây Nguyên
VOV4.Êđê- Phŭn bruă mkŏ mkra mâo mâo klei bi êdah hŏng Khua knŭk kna kơ hdră êlan duh bi liê rŭ mjing êlan dơ̆ng êran pral Quảng Ngãi - Kon Tum.
Hluê anăn, êlan mâo boh tlaih 144km, đĭ hlăm brô 8 km mkă hŏng klei čuăn mkă êlâo anăn kyua mâo lu čư̆ čhiăng ti kčŭn čư̆ Violak leh anăn kčŭn čư̆ Măng Đen. Anôk kčưm km0+000 mkŏ hŏng êlan dơ̆ng pral Dưr – Dhŭng ti kdriêk Đức Phổ (čar Quãng Ngãi) leh anăn ti tuč mŏ hŏng êlan dơ̆ng pral Dưr Dhŭng nah yŭ ti ƀuôn prŏng Kon Tum, čar Kon Tum.
Êran dơ̆ng pral anei dưi duh bi liê 4 grông êlan êdeh, hnơ̆ng êran pral 100 km/h. Ênoh duh bi liê kơ hdră hlăm brô 44.300 êklai prăk. Hlăm anăn dŭm alŭ wăl dăp ngăn prăk kơ bruă ruh mgaih anôk ala, ngăn prăk gưl dlông kơ dŭm bruă adôk. Phŭn bruă mkŏ mkra ăt mĭn tĭng hdră êlan ngă hdră mơ̆ng knhal jih thŭn anei, pŏk ngă hdră ti knhal jih thŭn 2026, bi leh hlăm mlan 12/2029.
Viết bình luận