Bi hdơr 35 hrue 64 čô khahan djiê êngiă ti plao ksĭ Gạc Ma
Thứ tư, 08:53, 15/03/2023
VOV TAYNGUYEN
VOV TAYNGUYEN
VOV4.Êđê- -Aguah mbrue 14/3, ti ƀuôn prŏng Đà Nẵng, Êpul kiă kriê phung kahan hdăp kahan êa ƀuôn prŏng Đà Nẵng mkŏ mjing leh klei bi hdơr 35 năm hrue phung lĭng kahan djiê êngiă ti plao ksĭ Gạc Ma.
Nao hlăm knăm bi hdơr anei mâo phung khua bi ala Knơ̆ng khua kiă kriê kahan krĭng 3 kahan êa, găp djuê phung djiê êngiă. Hrue14/3/1988, 64 čô kahan ti plao ksĭ Gạc Ma hlăm klei bi blah hlŏng djiê luič hlăm gŭ tur êa ksĭ.
Klei bi blah ti plao ksĭ Gạc Ma bi êdah leh ai tiê thâo khăp kơ lăn čar mơ̆ng phung lĭng kahan răng mgang êa ksĭ, hlăm anăn mâo truh 10 čô hđeh êdam mơ̆ng čar Quảng Nam - Đà Nẵng (hđăp). Ti knăm anei, Êpul hgŭm phung kahan hđăp kahan êa ƀuôn prŏng Đà Nẵng mâo mđup brei leh sa kdrêč mnơ̆ng bi mđĭ ai kơ găp djuê mnuih djiê êngiă./.
Viết bình luận