Bi hdơr 50 thŭn “Wĭt leh mâo klei dưi” (3/1973 - 3/2023) phung kahan cách mạng tuôm hŏng phung roh krư̆ kđăl, aguah 22/3, ƀuôn prŏng Hà Nội mkŏ mjing leh klei bi tuôm ƀô̆ mta hŏng phung kahan cách mạng lĕ hlăm kngan phung roh krư̆ kđăl, ară anei hlăk dôk hdĭp ti ƀuôn prŏng phŭn. Ti anôk bi tuôm anăn, phung kahan cách mạng lŏ bi hdơr jih jang bruă hlăk ênuk bi blah, lač kơ klei jhŏng ktang bi kdơ̆ng hŏng klei phung roh čăm biêng ngă jhat msĕ si pơ̆ng hŏng msei kđĭn, khăt riêk kđeh asăr...  hlŏng truh kơ klei blŭ mjum, lehanăn iêo jak hlue diñu.

Hŏng ai tiê jhŏng ktang găn jih klei huĭ hyưt klei dleh dlan hlăm sang mnă ăt mkŏ mjing êpul bi mnguôp duah êlan tlĕ đuĕ mơ̆ng mnă, mâo leh lu ƀĭng kahan dưi tlĕ đuĕ, lehanăn ngă lu klei bi kdơ̆ng tơl phung roh huĭ. Blŭ hrăm ti anôk bi tuôm anăn, K'iăng khua bruă Đảng ƀuôn Hà Nội Nguyễn Thị Tuyến, hơêč hmưi klei suaih pral kơ jih jang lĭng kahan tuôm găn leh klei roh krư̆ kđăl, lehanăn mpŭ mni kơ digơ̆ mâo ai tiê ktang mơ̆ng mnuih cộng sản, klei jhŏng mơ̆ng mnuih cách mạng. Ƀuôn prŏng Hà Nội čih pioh nanao, lehanan hdơr knga kơ dŭm klei duh myơr leh prŏng prĭn mơ̆ng phung kahan cách mạng tuôm hŏng klei roh krư̆ kđăl, bi blah kyua klei êngiê kơ djuê ana, đru bi rŭ mdơ̆ng ƀuôn prŏng phŭn./.