Ti hdră anei, phung khua čar Kon Tum čih yap dŭm klei blŭ hưn mdah mơ̆ng dŭm anôk bruă duh mkra djŏ tuôm kơ klei gun kpăk hlăm bruă lăn ala; hnưm ba mdah hdră mtrŭn đru čiăng kơ dŭm Êpul hgŭm bruă, anôk bruă ti čar Kon Tum dưi tŭ ư ba jao hdră anôk bruă nah gŭ, hdră bruă êpul êya lehanăn dŭm hdră mkăn mơ̆ng Knŭk kna.

Mđing mkăp ngăn prăk kơ hdră mtrŭt mđĭ bruă mnia mblei lu ala čar ti dŭm wăl anôk mnia mblei mâo klei găl; klei dŭm anôk bruă duh mkra điêt lehanăn man dưn dleh dưi čan prăk knŭk kna… Ăt ti hdră anei, dŭm anôk bruă duh mkra, phung mă bruă duh mkra čar Kon Tum lehanăn Ƀuôn prŏng Hồ Chí Minh hưn mthâo leh dŭm mta mnơ̆ng čiăng bi hgŭm bruă duh mkra – mnia mblei hlăm wưng sui.