Ƀri gưl bi hdơr hruê bruă kơ ala ƀuôn Việt Nam tal 7, aguah 23/3, ti Hà Nội, Êpul êdam êra CS Hồ Chí Minh bi hgŭm hŏng Phŭn bruă mnuih mă bruă kahan êka êkeh leh anăn al ƀuôn mkŏ mjing klei bi trông lu ala čar “Bi leh jar hdră bhiăn mđĭ kyar bruă ala ƀuôn ti Việt Nam”.

Hlăm wưng êgao, Đảng leh anăn Knŭk kna mđing dlăng, mâo lu hdră êlan msir bruă ala ƀuôn hlăm klei đĭ kyar. Hdră bhiăn leh anăn leh anăn hdră êlan ala ƀuôn dưi mtrŭn mbŏ bruă klam mơ̆ng bruă ala ƀuôn msĕ si: Hdră bhiăn mnuih mă bruă; Hdră bhiăn phung khua thŭn; Hdră bhiăn phung amâo jăk asei mlei; Hdră bhiăn phung hđeh, Hdră mtrŭn mrô 20 mơ̆ng Knŭk kna kơ hdră êlan đru kơ ala ƀuôn. Hlăm klei bi kƀĭn, phung thơ̆ng kơ bruă bi kah mbha klei thâo leh anăn boh sĭt ngă bruă, bi trông kơ bruă ala ƀuôn hlăm klei mdrao mgŭn, sang hră, Hnơ̆ng yuôm bhăn mơ̆ng klei bi hgŭm hŏng êpul êya hlăm klei mđĭ kyar hdră bruă răng mgang hđeh điêt./.