Klei kriăng, gĭr kơ bruă lehanăn đua klam mơ̆ng phung mă bruă bi mdoh wăl hdĭp mda đru mkŏ mjing leh sa krĭng ƀuôn prŏng mtah, doh, siam lehanăn mjing Đà Lạt jing ƀuôn prŏng hiu čhưn ênguê hing ang, ƀuôn prŏng Festival Mnga Việt Nam, ƀuôn prŏng mĭn mrâo UNESCO hlăm ênhiang mmuñ, ƀuôn prŏng kreh dhar mđing truh kơ ƀuôn prŏng knhuah gru tar rŏng lăn. Lač jăk kơ klei đru mguôp anei, 181 čô mă bruă bi mdoh wăt hdĭp mda ti ƀuôn prŏng Đà Lạt dưi bi mni.

Ti knăm anei, Nguyễn Thái Học, Khua jing êjai bruă Đảng čar Lâm Đồng bi êdah klei lač jăk lehanăn bi mni kơ dŭm klei đru mguôp mơ̆ng mnuih mă bruă hlăm klei krơ̆ng kjăp ƀuôn prŏng Đà Lạt siam, doh hlăm ai tiê tuê hiu čhưn ênguê, boh nik jing mlan mkŏ mjing Festival Mnga Đà Lạt tal 10 thŭn 2024. Mbĭt anăn, iêu mthưr mnuih ƀuôn sang hgŭm kngan răng mgang wăl hdĭp mda hŏng dŭm bruă ngă klă sĭt./.