Bi ruĕ knăm mơak kphê tal 8, thŭn 2023
Thứ tư, 10:28, 15/03/2023
VOV TAYNGUYEN
VOV TAYNGUYEN
VOV4.Êđê- Leh 5 hrue mkŏ mjing knăm mơak hŏng lu mta bruă ngă, mlam mmă mbrue (14/3), ti Wăl tač hrue 10/3 ƀuôn prŏng Ƀuôn Ama Thuôt, čar Daklak mkŏ mjing leh knăm bi ruĕ knăm mơak kphê Ƀuôn Ama Thuôt tal 8, thŭn 2023.
Mâo mkŏ mjing mơ̆ng hrue 10/3 - 14/3, knăm mơak anei mâo leh hlăm brô 90 êbâo gưl čô tue truh hŏng čar Daklak, hlăm anăn mâo truh 600 čô tue mơ̆ng ala tač êngao. Mâo 18 mta bruă dưi mkŏ mjing ba leh klei jăk yâo mrâo mrang hŏng tue hiu čhưn. Jih jang bruă ngă jing kñăm kơ “Ƀuôn Ama Thuôt – Anôk truh mơ̆ng kphê tar rŏng lăn” bi klă leh kơ jih klei anăn lŏ dơ̆ng mñă anôk truh, lŏ ngă, ñŭ kphê bruă kphê Việt Nam.
Ti knăm bi ruĕ Nguyễn Tuấn Hà, K’iăng khua knơ̆ng bruă sang čư̆ êa čar Daklak, Khua êpul mkŏ mjing knăm mơak kphê lač: Anei jing klei tŭ dưn mâo ba wĭt êgao kơ klei pô čang hmăng, lŏ dơ̆ng bi mklă lehanăn hưn mdah klei jăk klei găl mơ̆ng anăn knăl kphê Ƀuôn Ama Thuôt./.
Viết bình luận