Lŏ dơ̆ng Klei bi kƀĭn tal 44, tlam hruê 25/4, Dhar bruă gĭt gai Anôk bruă kƀĭn ala bi trông kơ Klei čih mkra Hdră mtrŭn kơ bruă lui prăk tăk hriăm hră kơ phung hđeh gưl điêt, gưl dua gưl tlâo sang hră knŭk kna mơ̆ng thŭn hriăm 2025-2026. Pŏk ngă klei klah čŭn mơ̆ng Phŭn bruă kđi čar hruê 1/3/2025 kơ bruă lui prăk tăk hriăm hră kơ phung hđeh hriăm sang hră knŭk kna grăp gưl, đru prăk tăk kơ phung hđeh hriăm sang hră êngao knŭk kna. Hluê si mrô ksiêm yap thŭn hriăm 2023-2024, ară anei kluôm ala mâo 23,2 êklăk čô hđeh. Ênoh ngăn prăk knŭk kna tĭng dlăng tla hlăm brô 30,6 êbâo êklai prăk.

Lu phung khua sa ai hŏng bruă ba mdah Hdră mtrŭn, bi êdah klei jăk găl mơ̆ng hdră bi knar hlăm bruă bi mjĕ klei mjuăt bi hriăm lehanăn klei đua klammơ̆ng Knŭk kna hŏng mnuih hriăm, dlăng kriê ênuk gưl hđeh lehanăn rơ̆ng hdră đru kơ ala ƀuôn. Khă snăn, phung khua brei tĭng dlăng klă klei bi knar ngăn prăk mơ̆ng alŭ wăl, boh nik dŭm alŭ wăl mâo hdră duh mkra – ala ƀuôn dleh dlan čiăng rơ̆ng hluê ngă hdră mtrŭn anei./.