Anei jing bruă dôk hlăm klei bi hdơr 50 thŭn hrue lăn dap kngư, kwar dhŭng mâo klei êngiê, mluh lir lăn mâo phŭn bruă lĭng kahan bi mguôp hŏng čar Daklak mkŏ mjing.

Ti anôk bi trông, phung khua kahan, phung kreh knhâo, lehanăn phung kahan hđăp hlak mblang kơ klei dưi anei, kñăm bi êdah klei kiă kriê kjăp mơ̆ng phŭn bruă kđi čar mơ̆ng klei bi blah ti Đức Lập; Buôn Ma Thuột, Pleiku; Kon Tum. Klei tŭ dưi anei mjing leh klei dưi prŏng kơ kwar dhŭng lehanăn mluh lir lăn čar. Nao lehanăn gĭt gai klei bi kƀĭn, Thượng tướng Lê Huy Vịnh, K’iăng khua phŭn bruă lĭng kahan brei thâo, êpul mkŏ mjing mâo tŭ mă leh giăm 90 klei hâo mdah hŏng lu bruă ngă tŭ dưn, mâo lu anôk dưi ƀuh jăk hlăm klei dưi lăn dap kngư. Klei bi trông jing wưng yuôm bhăn čiăng kơ bruă Đảng, bruă sang čư̆ êa, lehanăn mnuih ƀuôn sang čar Daklak hưn mdah kơ phung bi ala, lĭng kahan lehanăn mnuih ƀuôn sang kluôm ala dŭm boh tŭ dưn hlăm wang 50 thŭn êgao rŭ mdơ̆ng lehanăn mđĭ kyar./.