Bruă Đảng čar Kon Tum mtă brei ngă bi mngač klei pui ƀơ̆ng dliê ana mtŭk truh kơ 2 čô mnuih djiê
Thứ tư, 08:57, 15/03/2023
VOV TAYNGUYEN
VOV TAYNGUYEN
VOV4.Êđê- Anôk kiă kriê bruă Đảng čar Kon Tum mtă leh kơ anôk bruă kiă kriê bruă knuă druh knơ̆ng bruă sang čư̆ êa čar ngă bi mngač boh phŭn, lehanăn bi klă bruă klam hŏng klei pui ƀơ̆ng dliê ana mtŭk tơl truh kơ 2 čô mnuih djiê ti să Hơ Moong, kdriêk Sa Thầy.
Djŏ tuôm hŏng klei pui ƀơ̆ng dliê anei hlăk hrue 7/3 ngă dua čô mnuih djiê, snăn aguah hrue 14/3, Adŭ bruă Đảng čar Kon Tum mâo leh mtam hră mơĭt truh kơ anôk bruă kiă kriê knuă druh Đảng hlăm knơ̆ng bruă sang čư̆ êa čar pral mâo klei ksiêm bi mklă lehanăn hdră phat mkra jih jang klei truh anei hŏng hlei êpul lehanăn mnuih djŏ tuôm.
Boh mơ̆ng bruă anei mâo klei hâo mdah ênŭm hŏng anôk bruă kiă kriê Đảng čar êlâo kơ hrue 25/3/2023.
Viết bình luận