Thŭn 2024, Anôk kriê dlăng bruă Đảng, Knơ̆ng gĭt gai kahan krĭng 5 gĭt gai leh êpul kahan krĭng 5 pŏk hluê ngă kjăp, mđrăm mbĭt, tŭ dưn dŭm hdră mtrŭn, asăp mtrŭn, hdră êlan phŭn mơ̆ng bruă Đảng kahan gưl dlông, Phŭn bruă lĭng kahan kơ bruă klam lĭng kahan, răng mgang klei êđăp ênang Ala čar hlăm boh klei mrâo. Kahan krĭng 5 bi hgŭm hŏng dŭm čar, ƀuôn prŏng gĭt gai bruă mkŏ mjing krĭng wăl răng mgang, hdră kdơ̆ng mblah kluôm dhuôm.

Blŭ ti knăm anei, Thượng tướng Hoàng Xuân Chiến, Kơiăng khua phŭn bruă lĭng kahan mtă brei mđing dlăng kriê kơ êpul kahan krĭng 5 ƀrư̆ hruê ƀrư̆ kjăp ktang kluôm dhuôm hlăm hdră kđi čar, klei mĭn, mkăp djŏ hŏng klei čiăng hlăm wưng mrâo. Mjuăt bi hriăm knhuah gru 80 thŭn mơ̆ng Lĭng kahan lehanăn mprăp kơ 80 thŭn hruê knhuah gru mơ̆ng Êpul lĭng kahan krĭng wăl lehanăn dŭm hdră bruă prŏng mơ̆ng ala čar, bi kjăp knhuah kđi čar, dưi hgao jih klei dleh dlan./.