Tui si klei bi tŭ ư hgŭm bruă wưng thŭn 2023 - 2026, dua nah srăng ngă dŭm bruă bi mlih mrô hŏng phung hlăk ai krĭng ƀuôn sang. Vietnam Post hgŭm hŏng bruă êdam êra gưl dlông mkŏ mjing mjuăt bi hriăm hlăk ai kluôm ala mđĭ klei thâo săng hlăm bruă bi mlih mrô, lehanăn mprăp klei thâo yua bruă anei hlăm klei duh mkra, msĕ si: Ba yua kdrăp marketing ênuk mrâo, klei thâo livestream hlăm bruă čhĭ mnơ̆ng, mkra mjing rup kơ mnơ̆ng djăp ênoh čuăn marketing, bi mguôp hŏng mnuih ngă bruă mbĭt hlăm klei kjăp... 

Vietnam Post srăng đru kơ bruă êdam êra hlăm kluôm ala pŏk klei bi mnia mblei hŏng elektronik Postmart.vn. Mbĭt hŏng anăn, Vietnam Post ăt srăng đru kơ klei hưn mdah kơ djăp bruă mơ̆ng êpul bruă êdam êra, jih jang mnơ̆ng OCOP, mnơ̆ng mơ̆ng klei rŭ mjing bruă knuă mâo êpul hgŭm bruă êdam êra hưn mthâo ti dŭm anôk bruă dăng kông gưl să, kdriêk, čar lehanăn hlăm hdră čhĭ mnia hŏng online mơ̆ng Vietnam Post.