Bruă kƀĭn ala bi hrŏ wưng bi kƀĭn tal 9
Thứ sáu, 08:45, 16/05/2025
Pô mblang: Y-Khem Niê
Pô mblang: Y-Khem Niê
VOV4.Êđê - Lŏ dơ̆ng hlăm klei bi kƀĭn, aguah mbrue 15/5, bruă kƀĭn ala hmư̆ leh, lehanăn mâo klei bi klă bi mlih hrue bi kƀĭn tal 9, bruă kƀĭn ala gưl 15.
Mơ̆ng anăn, wưng bruă kƀĭn ala bi kƀĭn hmư̆ hră mdah, klei hâo mdah mơ̆ng bruă ksiêm dlăng, ngă klei trông čhai lehanăn bi mklă djăp mta êlâo kơ hrue 18/5 hŏng dua klei dôk čih mkra hdră mtrŭn kơ dŭm klei bhiăn, hdră êlan mă bruă, mjing klei mlih mrâo prŏng hlăm klei hlue ngă hdră bhiăn, bi djŏ hŏng bruă mđĭ kyar lăn čar hlăm ênuk gưl mrâo; lehanăn hdră mtrŭn kơ dŭm klei bhiăn, boh nik mđĭ kyar bruă duh mkra êngao knŭk kna.
Mbĭt anăn, ti anôk bi kƀĭn tal anei srăng lŏ mbŏ 3 mta bruă anôk bruă kƀĭn ala ksiêm dlăng, bi mklă. Bi mlih mmông bi kƀĭn hŏng dŭm mta bruă djŏ tuôm. Hlue anăn, srăng bi ruĕ klei bi kƀĭn ti tlam hrue 27/6, mâo klei mkăp mơh hlăm dua hrue jing 28 lehanăn 30/6.
Viết bình luận