Bruă Kƀĭn Ala bi klă hdră mtrŭn bi hrŏ wưng Bruă Kƀĭn Ala gưl 15
Thứ năm, 08:00, 22/05/2025
Pô mblang Y-Bel Êban/VOV Tây Nguyên
Pô mblang Y-Bel Êban/VOV Tây Nguyên
VOV4.Êđê- Lŏ dơ̆ng hlăm klei kƀĭn tal 9, Bruă Kƀĭn Ala gưl 15, aguah mbruê 21/5, phung bi ala bi klă leh hdră mtrŭn kơ bruă bi hrŏ mông wưng Bruă Kƀĭn Ala gưl 15 leh anăn Êpul gơ̆ng bruă ƀuôn sang dŭm gưl wưng thŭn 2021 – 2026.
Mbĭt anăn, Bruă Kƀĭn Ala ruah hruê mplĕ hră ruah phung bi ala Bruă Kƀĭn Ala leh anăn Êpul gơ̆ng bruă ƀuôn sang dŭm gưl wưng thŭn 2026 – 2031 jing knăm 7, hruê 15/3/2026.
Jih jang phung bi ala mâo ƀô̆ mta bi tŭ ư. Khua čih hră Bruă Kƀĭn Ala Lê Quang Tùng brei thâo: Klei kƀĭn tal 1, Bruă Kƀĭn Ala gưl 16 srăng dưi mkŏ mjing hnui hĭn jing 60 hruê leh hruê mplĕ hră, klei kƀĭn tal êlâo mơ̆ng Êpul gơ̆ng bruă ƀuôn sang dŭm gưl mrâo dưi bi kƀĭn hnui hĭn jing 45 hruê. Bruă bi hrŏ wưng gưl 15 jing knhuang yuôm bhăn čiăng mprăp jăk kơ êpul mă bruă leh anăn hluê ngă bruă klam hlăm wưng mrâo.
Viết bình luận