Lu phung bi ala mâo leh klei bi tŭ ư hŏng klei knŭk kna hâo mdah kơ boh tŭ dưn thŭn 2023 lehanăn lŏ tă hdră kơ thŭn tinăp, čiăng êjai dôk găn klei dleh dlan mbĭt hŏng tar rŏng lăn anei, knŭk kna ăt dưi kiă kriê jih hnơ̆ng lehanăn mâo ba wĭt leh klei tŭ dưn jăk.

Mơ̆ng anăn, lu phung bi ala đăo knang kơ wưng tinăp klei đĭ kyar prŏng hĭn. Knŭk kna lehanăn dŭm phŭn dhar bruă lŏ mđĭ hĭn klei duh bi liê dŭm bruă mơ̆ng knŭk kna, bi mlih hdră êlan duh mkra mnia mblei, lehanăn đru kơ phung duh mkra lŏ kơrŭ wĭt bruă knuă leh klei ruă tưp COVID-19. Lu phung bi ala akâo mđing uêñ hĭn kơ dŭm bruă hlăm yang ƀuôn, bi kdơ̆ng hŏng phung ngă soh. Ti anôk bi trông, mâo lu phung bi ala akâo bi mngač klei čiăng akâo 350.000 êklai prăk pioh bi kơrŭ bruă dhar kreh, lehanăn hlak mblang kơ hdră êlan mă bruă mơ̆ng klei anei, mơ̆ng anăn duah prăk bi djŏ guôp./.