Ksiêm dlăng ênoh ênil, gang mkhư̆ klei mnia mblei hjăn păn êa drao, mnơ̆ng mkra êa drao, bruă klam mơ̆ng êpul êya, grăp čô ngă bruă kriê dlăng êa kdrao…jing dŭm mta phŭn mâo lu phung bi ala uêñ mĭn, đru mguôp klei blŭ.

Hlăk mblang bi klă dŭm klei ka thâo săng mơ̆ng phung bi ala, Khua phŭn bruă mdrao mgŭn Đào Hồng Lan lač hdră mđing tal êlâo duh bi liê mđĭ kyar bruă mkra mjing êa drao mâo hlăm dŭm hdră bhiăn msĕ si hdră bhiăn lăn ala, hdră bhiăn duh bi liê…kyuanăn klei čuăn mâo klei klă hŏng mta knơ̆ng bruă anei êjai mkra mlih hdră bhiăn duh bi liê, hdră bhiăn jia hnư hrui wĭt knơ̆ng bruă.