Lŏ dơ̆ng hdră klei bi kƀĭn tal 9, Bruă kƀĭn ala gưl 15, aguah (17/06), Bruă kƀĭn ala bi trông hlăm êpul kơ klei ksiêm dlăng mbŏ boh tŭ hlue ngă hdră kčah mđĭ kyar bruă duh mkra- ala ƀuôn, prăk knŭk kna thŭn 2024; boh klei hlue ngă hdră kčag mđĭ kyar bruă duh mkra- ala ƀuôn leh anăn prăk knŭk kna dŭm mlan akŏ thŭn 2025.

Bi mni kơ boh tŭ mâo leh msĕ si hnơ̆ng đĭ kyar GDP mâo 7,09%; bruă duh mkra- ala ƀuôn kơrŭ wĭt jăk, mâo jih jang 15/15 hnơ̆ng kčah; klei prăk luč ênoh dưi ktuê dlăng;bruă duh mkra, mbia blei,  bruă hiu čhưn ênguê đĭ kyar jăk; klei hdĭp mda ala ƀuôn, klei êđăp ênang dưi rơ̆ng… Khădah snăn, phung bi ala ăt lač kơ klei lông dlăng, dleh dlan čiăng bi leh hdră kñăm đĭ kyar GDP thŭn 2025 mâo mơ̆ng 8% kơ dlông leh anăn đĭ kyar dua ênoh mrô hlăm dŭm thŭn kơ anăp. Ăt hlăm aguah 17/6, hŏng lu phung bi ala tŭ ư, Bruă kƀĭn ala bi mklă Hdră mtrŭn kơ klei bi hrŏ jia VAT hŏng êpul mnơ̆ng dhơ̆ng, hdră bruă dôk tŭ jia 10% mơ̆ng hruê 1/7/2025 truh 31/12/2026. Hŏng hdră mtrŭn mrâo mâo Bruă kƀĭn ala bi mklă, lu êpul mnơ̆ng dhơ̆ng srăng hrŏ 2% ênoh jia đĭ VAT truh jih thŭn 2026.