Hlăm klei bi mklin klah čŭn, mâo lu hĭn dŭm klei blŭ mguôp sa ai leh anăn bi êdah klei tŭ ư hŏng klei čiăng êdi kơ mta phŭn mkra mlih hdră bhiăn phŭn 2013. Mta phŭn mâo lu klei blŭ mguôp mơ̆ng phung bi ala jing pruê̆ 5 mta 1 hdră mtrŭnt mkra mlih, bi mbŏ pruê̆ 2 mta 115 mơ̆ng hdră bhiăn phŭn 2013, Lui hĕ klei dưi ksiêm êmuh mơ̆ng phung bi ala Êpul gơ̆ng bruă ƀuôn sang hŏng Sang phat mkra yang ƀuôn, Khua anôk bruă phat mkra yang ƀuôn.

Hŏng hdră bhiăn mkŏ mjing bruă sang čư̆ êa alŭ wăl mkra mlih, phung bi ala bi tŭ ư hŏng lu mta phŭn mơ̆ng hdră bhiăn, ƀiadah lač, čiăng lŏ ksiêm dlăng, mkra mlih dŭm klei čuăn bruă klam, klei dưi klă klơ̆ng mơ̆ng Êpul gơ̆ng bruă ƀuôn sang, bruă sang čư̆ êa, khua bruă sang čư̆ êa čiăng bi klă hĭn hdră êlan mbha gưl, mbha klei dưi, rơ̆ng kơ klei bi klă găl guôp bruă klam, klei dưi mơ̆ng bruă sang čư̆ êa alŭ wăl gưl čar, să.