Blŭ pŏk klei kƀĭn, Khua bruă kƀĭn ala Vương Đình Huệ brei thâo, hluê si klei năng mjêč, mơ̆ng boh sĭt, hluê si mta mtrŭn hlăm hdră bhiăn phŭn, klei bhiăn mkŏ mjing Bruă kƀĭn ala leh anăn klei bhiăn hlăm klei kƀĭn bruă kƀĭn ala, hlăm klei kƀĭn srăng ksiêm dlăng, bi klă đa đa boh klei prŏng, yuôm bhăn leh anăn mjêč msĕ si: Hdră čuăl mkă ala čar wưng thŭn 2021 – 2030, tă hdră truh ti thŭn 2050, Klei bhiăn mkă dlăng, mdrao klei ruă (mkra mlih), bi klă, ksiêm wĭt boh sĭt dŭm hdră êlan jăk hĭn kơ bruă gang mkhư̆ klei ruă tưp Covid-19 mta mtrŭn hlăm hdră mtrŭn mrô 30 mơ̆ng Bruă kƀĭn ala, kơ klei ngăn prăk knŭk kna.

Boh nik hlăm klei kƀĭn êngao hdră tal 2 anei, Bruă kƀĭn ala srăng ksiêm dlăng, brei brei bruă hŏng đa đa phung bi ala bruă kƀĭn ala leh anăn ksiêm dlăng, bi klă brei mdei bruă, tiŏ nao phung khua êmua hlăm knŭk kna.